Aa gaye muzda shafa’at ka sunane wale,
Naar-e-dozakh se ghulamon ko bachane wale.
Hai muqaddar main bulandi hi bulandi apne,
Hum tou hain kadmon main sar unke jhukane wale.
Kar k ehsaan jataana yeh nahi shaan unki,
Aur koi honge woh ehsaan jataane wale.
Mar k pohancha jo lahad main tou nakeeron ne kaha,
Marhaba naat shah-e-deen ki sunane wale.
Tu jala sakti nahi sun le jahannam hum ko,
Hum tou hain jashan-e-wiladat ke manane wale.
Kash sarkaar sar-e-hashr kahain mujh se Obaid,
Aaja daaman main meri naat sunane wale..