Aj ashk mere naat sunaen to ajab kya
Sun kar vo mujhe pas bulae to ajab kya
————————————————–
Un par to gunahgar ka sab hal khula hai
Is par vo daman mein chhupaen to ajab kya
————————————————–
Munh dhamp ke rakhna ke gunahgar bahut hun
Mayyat ko meri dekhne aaen to ajab kya
————————————————–
Na zad-e-safar hai na kaam bhale hain
Fir bhi hame sarkar bulaen to ajab kya
————————————————–
Deedar ke Qabil to nahi chashm-e-Tamanna
Lekin woh kabhi khavab mein aaein to ajab kya
————————————————–
Mein aisa khatavar hun koi had nahi jis ki
Fir bhi mere aibon ko chhupaen to ajab kya
————————————————–
Woh HUSAN-E-DO AALAM hain Adeeb un ke Qadam se
Sahra mein agar ful khilaen to ajab kya
————————————————–
Az.Adeeb