Qallat Heelati Anta Waseelati Adrikni Ya Rasoolallah – Naat Lyrics in Roman English, Hindi & Urdu | क़ल्लत हीलती अन्त वसीलती

Qallat Heelati Anta Waseelati Adrikni Ya Rasoolallah – Naat Lyrics in Roman English

Qallat Heelati Anta Waseelati Adrikni Ya Rasoolallah
Adrikni Ya Rasoolallah, Adrikni Ya Rasoolallah

Ghatayein gham ki chaayein dil pareshan Ya Rasoolallah
Tumhi ab kuch karo Maah-e-Risalat Ya Rasoolallah

Ghatayein gham ki chaayein dil pareshan Ya Rasoolallah
Tumhi ho mere dard-o-dukh ka darmaan Ya Rasoolallah

Safeenay ke parakhchay urr chukkay hain zor-e-tufaan se
Sambhalo mein bhi dooba aye meri jaan Ya Rasoolallah

Gunahoon ki nahi jaatei hai aadat Ya Rasoolallah
Tumhi ab kuch karo Maah-e-Risalat Ya Rasoolallah

Mein bachna chahta hoon haaye phir bhi bach nahi paata
Gunahoon ki parri hai aisi aadat Ya Rasoolallah

Humein haryalay gumbad ke tallay qadmon mein maut aaye
Salamat lekay jaayein deen-o-imaan Ya Rasoolallah

Mujhe marna hai Aaqa gumbad-e-khizra ke saaye mein
Watan mein margaya tou kia karoonga Ya Rasoolallah

Bohot kamzoor hoon qaabil nahi hargiz azaboon ke
Khudara saath letay jaana jannat Ya Rasoolallah

Yahan jaisay hamari aeb poshi aap kartay hain
Wahan bhi aap rakhlejiyega izzat Ya Rasoolallah

Mera ye khuwaab hojaye Shaha sharminda-e-tabeer
Madinay mein piyoon jaam-e-shahadat Ya Rasoolallah

Madina meetha meetha hai Madina pyara pyara hai
Madinay se mujhe beyhud hai ulfat Ya Rasoolallah

Meri har dharkan-e-dil se Madinay ki sada niklay
Rahay zikr-e-madina lub pe har dam Ya Rasoolallah

Shaha Attar per har aan rehmat ki nazar rakhna
Karay din raat buss sunnat ki khidmat Ya Rasoolallah

Shaha Attar ko dou gaz Madinay mein zameen dejiye
Waheen ho dafn tera ye sana khuwaan Ya Rasoolallah

Qallat Heelati Anta Waseelati Adrikni Ya Rasoolallah
Adrikni Ya Rasoolallah, Adrikni Ya Habeeballah

Nibhaalo tum nibhaalo tum nibhaalo Ya Rasool Allah
Bulaalo ab Madine mein bulaalo Ya Rasool Allah

Satate hain jo duniya wale is ka kuch nahi hain gham
Mujhe bas apna keh kar tum bulaalo Ya Rasool Allah

Sunehri jaaliyon key saamne pohcha hoon mein Aaqa
Mujhe apni ziyaarat tum karaado Ya Rasool Allah

Meri qismat buree ho to Khudara tum bhalee kardo
Sanwaaro meri qismat ko sanwaaro Ya Rasool Allah

Ataa ho ilm ki daulat ataa ho deed ki daulat
Damey aakhir Madina bhi ataa ho Ya Rasool Allah

Shafa’at ka sawali hoon sawali hoon mai rehmat ka
Ijaabat se nawaazo tum nawaazo Ya Rasool Allah

Mo’in-e-raah-e-Taiba hain mere Khwaja Mo’inuddeen
Mo’in-e-raah-e-jannat bhi banaado Ya Rasool Allah

Tasadduq Ghaus E A’azam ka tawassul A’ala Hazrat ka
Baqee-e-paak ke qaabil banaado Ya Rasool Allah

Nigah-e-Mufti-e-A’azam ney zinda kardiya dil ko
Unhi ka saath mehshar me ataa ho Ya Rasool Allah

Tamanna ye liye jaata hai Aaqa Shakir E Razvi
Ise izne Madina phir ataa ho Ya Rasool Allah

Qallat Heelati Anta Waseelati Adrikni Ya Rasoolallah
Adrikni Ya Rasoolallah, Adrikni Ya Rasoolallah

Nazar aata nahi koi kinaaraa Ya Rasoolallah
Bhanwar ki gardishon se tum bachaanaa Ya Rasoolallah

Nahi hai koi apna juz tumhaare is zamaane main
Gunahgaaron ko apna tum banaanaa Ya Rasoolallah

Madeenah aana jaana ho dil e muzhtar ki hasrat hai
Mujhe har saal Taibah main bulaanaa Ya Rasoolallah

Sunehri jaaliyaan hon or parhun jab aap ki naatain
Rukh e anwar se tab pardah uthaanaa Ya Rasoolallah

Naza ke waqt karna tum meri sab mushkilen aasaan
Hamain imaan pe dunya se uthaanaa Ya Rasoolallah

Shaha dar dar ki thokar se bacha kar ye sharaf de de
Baqi E Paak ban jaaye thikaanaa Ya Rasoolallah

Lahad ki raat ho taareek or wahshat nakeeron ki
Thapak kar chen se us dam sulaanaa Ya Rasoolallah

Sar E Mahshar lage jab bheer sab Kawsar ke pyaason ki
Mujhe bhi jaam Kawsar ka pilaanaa Ya Rasoolallah

Shaha Abid ke dil ki bas yahi ummeed o khwaahish hai
Qiyaamat main bhi is ko tum nibhaanaa Ya Rasoolallah

Download PDF