Be Nawaon Ki Nawa Sunta Hai
Iltija Sab Ki Khuda Sunta Hai
Hum Ke Bande Hain Sana Karte Hain
Wo Ki Khaliq Hai Sada Sunta Hai
Main Banda E Aasi Hoon Khata Kaar Hoon Maula
Lekin Teri Rahmat Ka Talabgar Hoon Maula
Main Banda E Aasi Hoon Khata Kaar Hoon Maula
Wabista Hai Umeed Meri Tare Karam Se
Tera Hoon Faqat Tera Parastar Hoon Maula
Main Banda E Aasi Hoon Khata Kaar Hoon Maula
Fir Tu Mere Eman Ko Tawanai Ata Kar
Barson Nahi Sadiyon Se Main Bimaar Hoon Maula
Main Banda E Aasi Hoon Khata Kaar Hoon Maula
Bahar Ke Ujale Mujhe Kya Rah Sujhaye
Andar Ke Andheron Me Griftaar Hoon Maula
Main Banda E Aasi Hoon Khata Kaar Hoon Maula
Jin Se Main Guzar Jaun Wo Dar Khol De Mujh Me
Khud Apne Hi Raste Ki Main Diwaar Hoon Maula
Main Banda E Aasi Hoon Khata Kaar Hoon Maula
Ek Tera Ishara Ho Or Aasan Ho Mushkil
Ek Lehar Uthe Or Main Us Paar Hoon Maula
Main Bandae Aasi Hoon Khata Kaar Hoon Maula