Banda qadir ka bhi qadir bhi hai abdul qadir
Sirre batin bhi hai zaahir bhi hai abdul qadir
Muftiye shar-aa bhi hai qaaziye millat bhi hai
Ilme asraar se maahir bhi hai abdul qadir
Mumba e faiz bhi hai muzma e afzaal bhi hai
Mehre irfa(n) ka munawwar bhi hai abdul qadir
kutbe abdaal bhi hai mahware irshaad bhi hai
markaze dai-ra-e sir bhi hai abdul qadir
Silke irfa(n) ki ziya hai yahi durre mukhtar
Fakhre ashbaaho naza-ir bhi hai abdul qadir
Is ke farmaan hein sab shaare-hey hukme shaare-aa
Mazhare naahi wa aamir bhi hai abdul qadir
Zee tasarruf bhi hai maazoon bhi mukhtar bhi hai
Kaare aalam ka mudabbir bhi hai abdul qadir
Rashke bulbul hai Raza laal-e sad daagh bhi hai
Aap ka wasifo zakir bhi hai abdul qadir