بڑی امید ہے سرکار قدموں میں بلائیں گے

بڑی امید ہے سرکار قدموں میں بلائیں گے

کرم ہوگا کبھی ہم پر مدینے ہم بھی جائیں گے

ـــــــــــــــــــــــــــــــــــــــــــــــــــــــــــــــــ

نظر میں اس کے جلوے عرشِ اعظیم کے سمائیں گے

درِ سرور پہ جو سجدے عقیدت کے لُٹائیں گے

ـــــــــــــــــــــــــــــــــــــــــــــــــــــــــــــــــ

دلوں میں جو دئیے ان کی محبت کے جلائیں گے

یقیناً وہ سراغِ منزل مقصود پائیں گے

ـــــــــــــــــــــــــــــــــــــــــــــــــــــــــــــــــ

اگر جانا مدینے میں ہوا ہم غم کے ماروں کا

مکینِ گنبدِ خضرا کو حالِ دل سنائیں گے

ـــــــــــــــــــــــــــــــــــــــــــــــــــــــــــــــــ

گنہگاروں میں خود آ آکے ہوں گے پارسا شامل

شفیعِ حشر جب دامانِ رحمت میں چھپائیں گے

ـــــــــــــــــــــــــــــــــــــــــــــــــــــــــــــــــ

قیامت تک جگائیں گے نہ پھر منکر نکیر اُن کو

لحد میں وہ جنہیں اپنا رُخِ زیبا دکھائیں گے

ـــــــــــــــــــــــــــــــــــــــــــــــــــــــــــــــــ

قسم اللہ کی مجھ کو وہ منظر دیدنی ہوگا

قیامت میں رسول اللہ جب تشریف لائیں گے

ـــــــــــــــــــــــــــــــــــــــــــــــــــــــــــــــــ

اُدھر برسے گا بارانِ کرم میدانِ حشر میں

جدھر بھی رحمتِ عالم نگاہوں کو اٹھائیں گے

ـــــــــــــــــــــــــــــــــــــــــــــــــــــــــــــــــ

غمِ رشقِ نبی سے ہوگا جب معمور دل “نیّر”

ترے ظلمت کدے میں بھی ستارے جگمگائیں گے

ـــــــــــــــــــــــــــــــــــــــــــــــــــــــــــــــــ

از نیر صاحب